Ostrzylany starosta, zadudrano i wścibsko emerytka Mańka, trener fusbalistów Janek, nauczycielka Hanka, podnikatel Lojzek i protokolantka, zarazem sekretarka Zuzka, w tym składzie sie nóm w niedziele 16. 4. 2023 przedstawiła Rada Gminno jednej wioski miyndzy Kozubowóm, Stożkym a Filipkóm. Jeszcze im do tego skokała odpowiedzialno obywatelka dziedziny Hela z widowni a w decyzjach im pumogali sierżant Głodny i przedstawiciel hazardu Zmazany.
Prezes naszego koła sie uwzión, że bedzie teatr. I był! Naszeł se sztuke pana Petra Tomše, przetłumaczył na gware, kapke przerobił na nasze realie i zegnoł partyje, kiero sie chciała zabawić w teatr. Dać do kupy tela ludzi, aby próbowali, to już był problem. Mieli isto z 10 prób a z tego isto na dwóch byli wszecy. Ale jakosi to dali do kupy i szli przed publiczność. A ni ma to sranda. Co inszego je grać se to na próbie a co inszego jak sie na was dziwo 250 ludzi!
Ale udało sie! Była pelniutko sala a wszecy sie śmioli do łez. A o to szło! Pobawić sie i pobawić ludzi!
Jeszcze roz bych chcioł podziynkować aktoróm, wszeckim co sie starali o bufet, gminie za wsparcie, Adamowi Heczce za nowe kotary, Januszowi Niedobowi za grafike i Wóm wszystkim żeście prziszli! Do zobaczenia na następnym teatrzyku!
J.H.G.
