Tradycja, jesiyń, Dom PZKO w Nawsiu, wónio wieprzowinóm a kapustóm tak aż sie przi banhofie psy oblizujóm a w kuchni Hanka Rusz ze swojóm stałóm ekipóm udowodniajóm że nejlepszi zabijaczkowe specjały tu sie dzisio gotujóm. Kapela Lipka gorolskóm nutóm wito gości z daleka i bliska.
Masorskigo rzemiosła sie chycili Janek i Boguś, a że im to pieknie szło,jak by też ni jak sie w Čičmanach pziuczili jak świnie nejrychli zrychtować 🙂
Jak już sie goście uzbiyrali, żodyn by od mikrowonu pana Filipczyka nie oderwali 🙂 bo jednak już Zabijaczke moderuje od poczóntku a na sali zachwile wystympuje jego syn z ZPiT Zaolzi.
Tańce góralski tu od nas w piyrszim wstympie nóm przedstawili.
A w miyndzy czasie sie wszecy wspaniale bawili, pojodali szpyrki,wóntrobke a prdelónke. Za chwile jak przestało być na parkiecie ciasno to sie podowało jelito,pieczóne a wyndzóne. Ku tymu kapuste z ziymiokami kdo chcioł kómbinowoł aj z inszymi specjałami.
Po takim obiedzie mało kiery rusi sie jeszcze, to do zachynty Zaolzi pokozało tańce z Zakopanego w stylu takim że trzeszczały parkiety wszyndzi.
Taki świynto to nia ma jyny tak tu trzeba aj teatr oglóndać, sale przeorganizować w galatach posek popuścić aby od śmiychu co inszigo nie puścić. Tego nóm w miarze przewielki dostarczył Teatr Jasiyniorski ze sztukóm “Majster Pypłok”
No to już teraz zpróbować noge postawić na parkiecie i wyzkuszać czy w brzuchu nie gniecie. Grali a śpiywali Lipka a nieskorzi zespół MyMoment przezesa.
Tak zaś bedymy cały rok diete dziyrżeć, co by my spokojnie mógli za rok, jak Zabijaczki przidzie czas poszmakować aj tańcować.